An plean atá againn chun geilleagar na hEorpa a athbheochan Le fiche bliain anuas, tá acmhainneacht na hEorpa fós láidir, fiú agus mórgheilleagair eile ag fás ar luas níos tapúla.Tá gach rud is gá ag an Aontas Eorpach chun leas iomlán a bhaint as a acmhainneacht agus chun fás níos tapúla agus níos inbhuanaithe a spreagadh: tá lucht saothair éirimiúil oilte againn agus tá caipiteal, coigilteas, an margadh aonair agus samhail shóisialta ar leith againn. Chun ár n-iomaíochas a athbhunú agus chun borradh a chur faoin bhfás, ní mór dúinn dul i ngleic leis na bacainní agus na laigí atá dár gcoinneáil siar.I mí Eanáir 2025 chuir an Coimisiún i láthair an compás iomaíochais, treochlár nua chun dinimiceas na hEorpa a athbhunú agus borradh a chur faoin bhfás eacnamaíoch. Bonn láidir fáis 3 riachtanas chun gur iomaíche a bheidh an tAontas Eorpach Leis an gcompás, cuirtear le hanailís thuarascáil Mario Draghi maidir le todhchaí iomaíochas na hEorpa.Sainaithníodh i dtuarascáil Draghi ar dtús 3 riachtanas don Aontas chun borradh a chur faoina iomaíochas: An bhearna nuálaíochta a dhúnadh Ár ngeilleagar a dhícharbónúSpleáchais a laghdúLeagtar cur chuige amach leis an gcompás chun na riachtanais sin a fhíorú. An bhearna nuálaíochta a dhúnadhLeagtar amach go soiléir leis an gcompás an chaoi a gcuirfidh an tAontas Eorpach borradh faoin nuálaíocht tríd an méid seo a leanas a dhéanamh:timpeallacht chairdiúil a chruthú inar féidir le cuideachtaí óga tosú agus leathnú, agus straitéis thiomnaithe an Aontais um ghnólachtaí nuathionscanta agus gnólachtaí atá ag méadúcuidiú le cuideachtaí móra teicneolaíochtaí nua a ghlacadh, cuir i gcás an intleacht shaorga (IS) agus an róbataic, a bhuí le tionscnamh um chur i bhfeidhm na hintleachta saorgaé a dhéanamh níos éasca do chuideachtaí feidhmiú ar fud an Aontais trí rialacha agus dlíthe a shimpliú, agus togra le haghaidh an 28ú córas dlí lena ráthófar sraith amháin rialacha ar fud an Aontaistacú le forbairt teicneolaíochtaí nua, agus pleananna gníomhaíochta le haghaidh ardábhar, teicneolaíocht chandamach, bith-theicneolaíocht, róbataic agus teicneolaíochtaí spáisÁr ngeilleagar a dhícharbónúLeagtar amach leis an gcompás an dóigh ar féidir linn rochtain ar fhuinneamh inacmhainne a éascú tríd an méid seo a leanas a dhéanamh:an Comhaontú maidir le Tionsclaíocht Ghlan a chur ar aghaidh chun astaíochtaí carbóin a laghdú, go háirithe do chuideachtaí dianfhuinnimh, agus chun a n-aistriú chuig teicneolaíochtaí ísealcharbóin a éascúpleananna gníomhaíochta saincheaptha a chur i láthair d’earnálacha dianfhuinnimh, cuir i gcás an earnáil ceimiceán, an earnáil cruach agus miotal, arb iad na hearnálacha is leochailí ag an gcéim seo den aistriúplean gníomhaíochta um fhuinneamh inacmhainne a fhorbairt le cuidiú chun praghsanna agus costais fuinnimh a laghdúSpleáchais a laghdúTá an líonra comhaontuithe trádála is mó agus is tapúla fás ar domhan ag an Aontas cheana, líonra a chumhdaíonn 76 thír.Sainaithnítear leis an gcompás an dóigh ar féidir linn ár slabhraí soláthair a éagsúlú agus a neartú tuilleadh tríd an méid seo a leanas a dhéanamh: réimse nua comhpháirtíochtaí um thrádáil agus infheistíocht ghlan a fhorbairt le cuidiú chun soláthar amhábhar, fuinneamh glan, breoslaí iompair inbhuanaithe agus teicneolaíocht ghlan a dhaingniú ó gach cearn den domhanathbhreithniú a dhéanamh ar na rialacha a bhaineann le soláthar poiblí chun go mbeifear in ann tosaíocht Eorpach a thabhairt isteach sa soláthar poiblí le haghaidh earnálacha agus teicneolaíochtaí criticiúla 5 bhealach bhreise chun ár n-iomaíochas a mhéadú Chun na 3 cholún sin a chomhlánú, tugtar isteach leis an gcompás iomaíochais 5 chumasóir chothrománacha chun ár n-iomaíochas a mhéadú ar fud na n-earnálacha uile, is iad sin:An rómhaorlathas a laghdúLeis na tograí omnibus, simpleofar oibleagáidí tuairiscithe inbhuanaitheachta an Aontais chun timpeallacht fhabhrach ghnó a chruthú mar a mbeidh rath ar chuideachtaí Eorpacha.Bacainní sa mhargadh aonair a bhaintLeis an straitéis chothrománach maidir leis an margadh aonair, déanfar rialacha an mhargaidh aonair a nuachóiriú, cuirfear deireadh le bacainní agus cuirfear cosc ar chruthú bacainní nua.Maoiniú níos éifeachtúla a chumasúCruthóidh an t-aontas coigiltis agus infheistíochta táirgí nua coigiltis agus infheistíochta, cuirfidh sé dreasachtaí ar fáil le haghaidh caipiteal riosca, agus cinnteoidh sé sreabhadh rianúil infheistíochtaí ar fud an Aontais.Scileanna agus poist ar ardchaighdeán a chur chun cinnCinnteoidh an t-aontas scileanna oideachas, oiliúint agus foghlaim ar feadh an tsaoil ar ardchaighdeán chun na bearnaí scileanna agus saothair atá dár gcoinneáil siar a líonadh.Comhordú níos fearr a chinntiúCinnteofar leis an uirlis um chomhordú iomaíochais go gcuirfear cuspóirí beartais comhroinnte an Aontais i bhfeidhm ar leibhéal an Aontais agus ar an leibhéal náisiúnta. Tacóidh an ciste um iomaíochas leis, rud atá á chur in ionad an iliomad ionstraimí airgeadais de chuid an Aontais atá ann cheana agus a bhfuil cuspóirí comhchosúla acu. Féach leat amlíne iomlán na ngníomhaíochtaí faoin gcompás Doiciméid 29 EANÁIR 2025Communication: A competitiveness compass for the EU 29 EANÁIR 2025Factsheet: A competitiveness compass for the EU
Le fiche bliain anuas, tá acmhainneacht na hEorpa fós láidir, fiú agus mórgheilleagair eile ag fás ar luas níos tapúla.Tá gach rud is gá ag an Aontas Eorpach chun leas iomlán a bhaint as a acmhainneacht agus chun fás níos tapúla agus níos inbhuanaithe a spreagadh: tá lucht saothair éirimiúil oilte againn agus tá caipiteal, coigilteas, an margadh aonair agus samhail shóisialta ar leith againn. Chun ár n-iomaíochas a athbhunú agus chun borradh a chur faoin bhfás, ní mór dúinn dul i ngleic leis na bacainní agus na laigí atá dár gcoinneáil siar.I mí Eanáir 2025 chuir an Coimisiún i láthair an compás iomaíochais, treochlár nua chun dinimiceas na hEorpa a athbhunú agus borradh a chur faoin bhfás eacnamaíoch.
